Zeliangrong me reha tatchube pibang ze Nkuiluandi keloa gene lei. Chige mina hang kat peji Nguibabe bam zai pena du hangchum bam lei. Kechingbe peuji ze Namgangbe (Zeme), Kading (Liangmei), Nringbangbe (Rongmei). Penui keloa sau nanze hesua lung 'ntuarabe hang zegene pebam kecham cham ’mbe lung tatti lei. Namgangbe penui rua ge chinglangbe peu ne naimik keu ’mbia tatze ’Nnui keloa (Yangkhullen) ge henam tew gai delei. Chime bau du ze “Zeme” acheu je ku lei.
’Nnui keloa ge hepeiriak kie di dege a, pebam kecham chambe ge henam tewra ratat kam di delei. Henam tewgaibe ramme ze Heraloa (Peren keloa hiage), Nsangram, Mbauchak zai kedadabe heram ge keloa beichu gai delei, chunating ge aipau keloa ram me ze Nagaland lung ge lamui lei. Penui chan name ramme ne Assam ram ge hanam tewgaibe ramme ze Mphai (Kipeiloa taige), Ngguibangloa (Hereiloa benai Tungje kakge), Tungje and Mbuizeunam (Hmar-Lushai keloa hia ge) tewgai diak lei. Tingkum 700 AD ting ge Zeme zat Assam ram ge lunggutra ’nnumgai lei.
