Naimik pat ’mbia gene lungwangme bau je tingbia ’mbe henam tewgut ze Tekailoa, Bauraram, Chakeloa, Ndungloa (Old), Diluang, Mpetnam/Kemipuijai (Chuna ge Hajong), Mpeidaloa etc. Aipau bam keloa beichu gaime bau je Nsabak ze ku lei. Hangsame bau â Nsabak zai Niangloabak ge henam tewgut kadai lei chize Mpoi, Hekaukang, Asalu, Heuwangberam, Nrianam, Hanggieram, Nrimbangloa, Guilong, Takloaram, zai Mpuiloa. Zai kedame bau â Nrialakberam, Ijengram, Mabauram, Kunjungram (Gunjung), Herapuinam/Makhamsaknai (Amrudisa), Dirrang keloa (Chuna ge Langting zai Vaithang) zai Nareram (Henaiting â Melangpeuram) ge henam tewgai lei. Nzebak keloa ruage Kampairam, Ningngaingram, Hokairam, Zaikangram, Ndungloa, Ramchiram ze kechingbe keloa ramme lei. Zeme zat ze Langselang (Kopili Ngeuki) Meghalaya heramrai ria lung changgai lei.
Kedabe kiang ze Kisabak benai Niangloabak ge Tingrun gene Tingbia ’mbe lung tat ze hanam tewgai lei zai chipau keloa ramme ze Peisiaram, Khangnam zai Dauben. Zai Mbuizeuram gene lung tat ze Cachar kam ge henam ramme tew gaibe keloa ramme je Kumbuingram (chuna Kumbigram, Cachar), Nrailongram (henaiting ge Railongcherra, Cachar), Hailakberam (Neka ge Hailakandi, Cachar), Koksa (chuna Kallain hua je) ram me lei.
Zeme henam tewgut be ge ’nreuhei ze hekauhena ba biak ze henam kechukbe ge anui pau paime ne heram nram gai lei. Chi ge hekau bena zai herui kesiabe ramme je ’nggi ze hanam tewgai diak lei.
